No primeiro trimestre de 2022 ICEACSA Grupo integrarase totalmente no grupo de enxeñería holandés Antea Group.
No primeiro trimestre de 2022 culminarase o proceso de integración de ICEACSA Grupo no seo do grupo de enxeñería holandés Antea Group, etapa iniciada en novembro de 2017 e que finalizará o ano próximo co cambio das denominacións sociais e a adopción da marca comercial Antea Group de maneira xeneralizada para todas as empresas de ICEACSA.
ICEACSA Grupo, cos seus 36 anos de historia ao servizo da sociedade apostando pola integración das persoas e dos territorios, mantén todos os seus activos profesionais, a bagaxe técnica acumulada e a súa misión, recibindo con entusiasmo esta nova etapa coa que culmina a súa integración plena na familia Antea Group.
