Con esta nova adxudicación, Antea Group España cumpre 6 anos apoiando tecnicamente a Augas de Galicia neste labor.
Comunidade Autónoma de Galicia (España).
Antea Group España foi adxudicataria do contrato de servizo de apoio e asistencia técnica na xestión de aproveitamentos hidroeléctricos e da súa adecuación á planificación hidrolóxica e demais normativa no ámbito territorial da Demarcación Hidrográfica de Galicia-Costa por un prazo de dous anos prorrogables.
Os traballos para desenvolver por Antea Group España consisten no apoio na realización de todos os labores técnicos necesarias en relación á xestión dos procedementos administrativos en materia de aproveitamentos hidroeléctricos e a súa adecuación aos requirimentos da planificación hidrolóxica e demais normativa tales como:
- Supervisión técnica, ambiental e xurídica da documentación relativa a expedientes de peticións de novas concesións e modificacións das características esenciais de concesións outorgadas de aproveitamentos hidroeléctricos.
- Supervisión técnica, ambiental e xurídica da documentación relativa a expedientes de proxectos construtivos e sectoriais de concesións outorgadas para a instalación de novos aproveitamentos hidroeléctricos.
- Supervisión técnica, ambiental e xurídica da documentación relativa a expedientes de revisións concesionais, expropiacións e extincións de concesións outorgadas para a instalación de aproveitamentos hidroeléctricos.
- Apoio técnico e asistencia na vixilancia e control de aproveitamentos en construción para a súa posta en explotación.
- Apoio técnico e asistencia na vixilancia e control de aproveitamentos hidroeléctricos en explotación.